Ontmoet Loukie : Ons klein Maltese Shih Tzu brakkie

Onthou julle nog hoe ons moes askeid neem van ons hondjie in Suid Afrika. Wel, ons het toe mos besluit om daai ou plekkie in ons harte weer te vul deur vir ons weer 'n ou troetelbrakkie aan te skaf. Hy is 'n kruising tussen 'n Maltees en 'n Shih Tzu (wat "Lion Dog" beteken). Hierdie honderas is uit Tibet en China afkomstig en is een van die heel oudste honde rasse.

Ons het hom die naam "Loukie" gegee, afkomstig van die naam "Loutjie", omdat dit makliker hier in Oz uitgespreek kan word. Hier word die honde ge-microchip en op die eienaar se naam geregistreer, dus het Loukie 'n nommer en 'n huisadres in hom. Hy is baie soet en herinner mens baie sterk aan 'n "Soft Toy". Daarby is hy ok so lig soos 'n veertjie.