Waar woon die oud Suid Afrikaners in Australië? Aflewering 3 : New South Wales, Victoria, Queensland, Suid en Wes Australië, Noordelike en Capital Territory en Tasmanië

(Skakel na hierdie blog inskrywing by pitkos.blogspot.com)


Om my reeks oor die huidige woonplekke van oud Suid Afrikaners af te sluit het ek besluit om dinge nie langer omslagtig te maak nie, en eenvoudig die res van die land se statistieke vir hulle te gee.  Soos wat ek reeds in die eerste aflewering "Waar woon die oud Suid Afrikaners in Australië? Aflewering 1 : New South Wales" bespreek het, is al hierdie inligting verkry deur die 2006 Australiese sensusdata te verwerk om die huidige woonplek van mense van Suid Afrikaanse oorsprong te bepaal en op 'n kaart aan te dui.  Die sensusdata het bestaan uit 2411 Excel data leêrs wat ek verwerk het na spesifieke Demografiese inligting rakende Suid Afrikaners in die 8 state van Australië: 


Eerstens het ek al die voorstede in Australië geneem en hulle per staat gesorteer van die meeste na die minste oud Suid Afrikaners wat daar bly, en die volgende spreadsheets geskep:

Staat naam Aantal Suid Afrikaners Voorstede volgens totaal NSW (New South Wales) 32670 2006 NSW Totale QLD (Queensland) 22665 2006 QLD Totale WA (Westelike Australië) 21924 2006 WA Totale VIC (Victoria) 19025 2006 VIC Totale SA (Suid Australië) 4502 2006 SA Totale TAS (Tasmanië) 1051 2006 TAS Totale ACT (Australiese "Capital Territory") 991 2006 ACT Totale NT (Noordelike "Territory") 252 2006 NT Totale Totaal: 103080

Daarna het ek hierdie totale op Google kaarte geplot, sodat julle duidelik kan sien waar die meeste Suid Afrikaners bly deur na die flaggies se kleure te kyk.

Staat naam Aantal Suid Afrikaners Voorstede volgens totaal NSW (New South Wales) 32670 2006 NSW Kaart Totale QLD (Queensland) 22665 2006 QLD Kaart Totale WA (Westelike Australië) 21924 2006 WA Kaart Totale VIC (Victoria) 19025 2006 VIC Kaart Totale SA (Suid Australië) 4502 2006 SA Kaart Totale TAS (Tasmanië) 1051 2006 TAS Kaart Totale ACT (Australiese "Capital Territory") 991 2006 ACT Kaart Totale NT (Noordelike "Territory") 252 2006 NT Kaart Totale Totaal: 103080

Die kaarte vertoon voorstede met gekleurde vlaggies na gelang van die aantal Suid Afrikaners wat daar bly. 

met 300 en meer Suid Afrikaners as Rooi

met tussen 150 en 299 Suid Afrikaners as Groen

en tussen 50 en 149 oud Suid Afrikaners as Blou

Indien ons nou al die voorstede in die hele land in dieselfde spreadsheet plaas en hulle sorteer volgens die aantal ex Suid Afrikaners, kan ons in die volgende data die TOP immigrasie bestemmings in die hele Australië sien. 

Staat Voorstad Ex Suid Afrikaners NSW ST IVES 2005 NSW ST IVES CHASE 2005 NSW DOVER HEIGHTS 1090 NSW VAUCLUSE 1090 NSW WATSONS BAY 1090 QLD BROOKFIELD 950 QLD CHAPEL HILL 950 QLD FIG TREE POCKET 950 QLD KENMORE 950 QLD KENMORE HILLS 950 QLD PINJARRA HILLS 950 QLD PULLENVALE 950 QLD UPPER BROOKFIELD 950 WA CANNING VALE 934 WA WILLETTON 934 NSW BONDI 919 NSW BONDI BEACH 919 NSW NORTH BONDI 919 NSW TAMARAMA 919

WA DIANELLA 906 VIC CAULFIELD 889 VIC CAULFIELD SOUTH 889

(Die voorstede met dieselfde aantal val in 'n groep van voorstede wat vanaf dieselfde sensusdata poskode data afkomstig is)

Na die voorafgaande resultate het ek probeer om 'n indikator of indeks te verkry wat vir my sal aandui watter voorstede meer gesog of populêr is onder oud Suid Afrikaners.  Die totale lig nie hierdie gedrag vir my so mooi uit nie omdat voorstede met meer inwoners ook normaalweg meer Suid Afrikaners huisves as voorstede met minder inwoners.  Ek was op soek na 'n statistiese of wiskundige formule wat vir my 'n groter waarde sal gee wanneer meer Suid Afrikaners daardie spesifieke voorstad as hul tuiste kies as wat statisties verwag word van die algemene bevolking (volgens die breukdeel wat daardie voorstad se bevolking van die totaal uitmaak).

Die Indeks waarna ek verwys, word as volg bereken:  

Indeks = 

(Bevolkingl SAners in voorstad / Totale SAners in staat) / 

(Bevolking in voorstad / Totale Bevolking in staat)

Indien mens die (Bevolking in voorstad / Totale Bevolking in staat) bereken kry mens die breukdeel van die totale bevolking wat in daardie voorstad bly.

Indien die Suid Afrikaners dus die univorme patroon van die algemene bevolking gevolg het, sou die SA breukdeel presies gelyk gewees het aan die een van die algemene bevolking...

(Bevolking SAs in voorstad / Totale SAs in staat) 

= (Bevolking in voorstad / Totale Bevolking in staat)

en dan sou die kieskeurigheid indeks = 1

Maar, indien daar een of ander vorm van kieskeurigheid aan die werk was, sou die breukdeel vir die Suid Afrikaners wat in daardie voorstad bly (uit al die Suid Afrikaners in die staat) hoër as die algemene bevolking syne wees.  Indien mens dus die een deur die ander deel kry mens met hoeveel die breukdeel groter is as die breekdeel vir die algemene bevolking:

Kieskeurigheids Indexs

= 1 (Die SA-ners (Suid Afrikaners) se breukdeel is dieselfde as die bevolking syne)

= groter as 1 (Dui aan hoeveel eerder die Suid Afrikaners in hierdie voorstad wil bly as ander voorstede)

kleiner as 1 ('n kleiner breukdeel van die totale aantal Suid Afrikaners bly daar as die algemene bevolking)

Hierdie indeks gee vir my dus 'n aanduiding van die mate waarin Suid Afrikaners hierdie voorstad bo ander voorstede verkies.

Ek het toe die voorstede gesorteer van die hoogste na die laagste Kieskeurigheids indeks, en die volgende resultate gekry:

Staat naam Hoogste Indeks Voorstede volgens Indeks Spreadsheet NSW (New South Wales) 23.405 2006 NSW Kaart Indekse 2006 NSW Indeks data QLD (Queensland) 6.828 2006 QLD Kaart Indekse 2006 QLD Indeks data WA (Westelike Australië) 3.802 2006 WA Kaart Indekse 2006 WA Indeks data VIC (Victoria) 14.191 2006 VIC Kaart Indekse 2006 VIC Indeks data SA (Suid Australië) 4.113 2006 SA Kaart Indekse 2006 SA Indeks data TAS (Tasmanië) 3.375 2006 TAS Kaart Indekse 2006 TAS Indeks data ACT (Australiese "Capital Territory") 2.288 2006 ACT Kaart Indekse 2006 ACT Indeks data NT (Noordelike "Territory") 1.706 2006 NT Kaart Indekse 2006 NT Indeks data

Weereens word slegs voorstede met 50 en meer SAs aangedui asook waar die kieskeurigheids indeks gelyk is aan 1 en meer.  
Voorstede waar die indeks bo 3.5 is, is in Rooi aangedui 
Voorstede waar die indeks tussen 1.5 en 3.5 lê is in Groen aangedui 
Voorstede waar die indeks tussen 1 en 1.5 lê is in Blou aangedui

Hierdie Indeks kaarte gee vir ons 'n baie goeie aanduiding watter voorstede in Australië meer populêr onder die Suid Afrikaanse immigrante is as die res van die bevolking.  Ek het slegs voorstede met meer as 50 oud Suid Afrikaners in die kaarte aangedui omdat die indeks baie maklik beinvloed kan word in 'n voorstad met baie min mense.


Die mees populêre woongebiede lê in NSW waar daar 'n 23 keer hoër persentasie is as vir die algemene bevolking.  


Dit is verbasend watter nuttige inligting mens kan verkry oor Suid Afrikaners uit die sensus data wat so vryelik beskikbaar is op die web.  


Byvoorbeeld: Indien mens na die mediaan van die maandelikse inkomste kyk vir die voorstede en jy neem al die voorstede in Australië, dan sien mens dat Suid Afrikaners regoor die land oor die algemeen in voorstede bly waar die mediaan van die maandelikse inkomste sowat 20% hoër is as die gemiddeld.
Dit beteken nie noodwendig dat Suid Afrikaners 20% meer inkomste as die algemene bevolking kry nie (omdat ons dalk die armste mense in daardie voorstede kan wees), maar dat ons klaarblyklik voorstede verkies was oor die algemeen meer gegoed is.  


Ek het ook vir julle die data beskikbaar gemaak vir Google Earth.  Indien julle die data dus In Google Earth wil besigtig, laai die volgende KML leêrs af en dubbel kliek daarop nadat julle Google Earth geinstalleer het.


KML Kaart van hele Australië gesorteer volgens Indeks

KML Kaart van die hele Australie gesorteer volgens totale


Julle kan dan in Google Earth op elk van die skakels in die inligtings vlaggies kliek vir meer inligting, soos byvoorbeeld om op Realestate te soek vir huise in daardie voorstad...soos byvoorbeeld hieronder in Google Earth, waar die data vir Olympic Dam in Suid Australië vertoon word.  BHP Billiton, wat ook groot ondernemings in die Suid Afrikaanse mynbedryf het, het hier 'n myn en daar werk 4 keer meer Suid Afrikaners as die persentasie van die algemene bevolking.  Marius Kloppers, 'n oud Suid Afrikaner is die direkteur van hierdie Australiese maatskappy.  Amper al die Suid Afrikaners wat hier in Olympic Dam bly het sedert 2001 hiernatoe getrek.