Saturday, January 19, 2008

Pannekoek en kaneelsuiker


Alle bestanddele:

6 eiers
6 eetlepels gesmelte botter (of olie)

3 koppies koekmeel
3 teelepels bakpoeier

2 koppies melk
2 koppies water
2 knippies sout

Kaneel
Suiker
  • Meng vooraf suiker en kaneel in 'n houer en skud goed.

  • Klits 6 groot eiers baie goed.

  • Sif 3 koppies koekmeel, 2 knippies sout en 3 teelepels bakpoeier en voeg by eiermengsel.

  • Voeg 2 koppies water, 2 koppies melk, en 6 eetlepels gesmelte botter by en meng baie goed met klitser.

  • (Jy kan selfs 'n gerasperde appel byvoeg as jy wil)

  • Gooi bietjie kookolie in pan

  • Gebruik standaard soplepel om pannekoekdeeg in pan te gooi.

  • Bak vir so 1 minuut en 30 sekondes aan elke kant in 'n kleefvrye pan op die stoof (of op gasplaat...indien die krag af is in Suid Afrika)

  • Gooi bietjie water by INDIEN NODIG om mengsel dun te hou soos wat dit gebruik word. (Mengsel maak so 14 pannekoeke, maar moenie te dik gooi nie, anders kry jy plaatkoekies)

  • Soos wat pannekoeke klaar gebak word, plaas dit in 'n toe houer en gooi kaneelsuiker op (uit 'n blikkie met gate in gesteek). Hou die houer toe sodat die pannekoeke goed kan sweet.

  • Jy kan so 'n paar pannekoeke sonder suiker los en dit dan bedien met lekker maalvleis bredie.

  • Lekker eet...


Friday, January 18, 2008

Ek sien die verskil, sien jy die verskil?

Kyk mooi na die volgende foto... Kliek op dit om dit groter te sien. Wat dink jy sien jy? Australië? Kyk weer.

Ek het, presies op skaal, vir Suid Afrika netjies in die Australiese state New South Wales (NSW) en Victoria (VIC) ingepas. Dit gee mens nogal 'n idee van die grootte van Suid Afrika teenoor Oz.

Ek het sommer vir interessantheid so bietjie gaan rondkrap in die offisiële statistiek van die Australiese buro van statistiek en Stats SA.

Hier is so 'n paar feite:

Die beraamde bevolking van Australië was op 30 June 2007 :
21 188 393 mense

Daar word
elke 1 minuut en 56 sekondes 'n baba hier gebore,
elke 3 minute en 58 sekondes sterf daar iemand hier,
elke 3 minute en 5 sekondes immigreer iemand na Australië, en
elke 1 minuut en 42 sekondes vermeerder die netto bevolking van Australië met 1 persoon.

Dit beteken dat die netto bevolking hier in 1 jaar (van 31557600 sekondes) dus met 309 388 mense vermeerder.

Lewensverwagting:
"Australians are now among the longest-lived people in the world"
"A boy born in 1999 could expect to live to be almost 77, while a girl could expect to reach 82 - increases since 1990 of close to 3 and 2 years respectively"
Die lewensverwagting is dus ongeveer : 80 jaar

Indien die aantal persone van werkende ouderdom geneem word tussen 15 en 64 jaar, was daar in Junie 2006 'n totaal van 14 miljoen mense van werkende ouderdom in Australië. Dit is 66.6% van die bevolking wat kan werk.
"n June 2006, 67.5% of the Australian population were of working age (15-64 years), up from 66.9% in June 2001 and 66.6% in June 1996. In those ten years the number of people of working age has increased by 1.8 million to 14.0 million at June 2006."

Verder is die mediaan van die Aussie bevolking se ouderdom net 36.6 jaar.
"The median age of Australia's population, the age at which half the population is older and half is younger, was 36.6 years at June 2006"

Volgens die Australiese Buro van Statistiek vir Desember 2007 was daar verder die volgende werkloosheidsyfers:
Amptelik werkende persone: 10 570 400 (65.2 % van die wat kan werk)
Werklose persone: 480 900 (4.4 % van die populasie van werkende ouderdom)

Let mooi op die bogenoemde 2 faktore:

  • populasie van werkende ouderdom
  • persentasie van die wat wel werk
Omdat Australië 'n relatief jong bevolking het, is daar 'n groot persentasie van die bevolking wat mag werk: 14 000 000 uit 'n totaal van sowat 21 188 393.
66.6 % kan dus werk.

Van hierdie 66.6% van die totale bevolking wat kan werk, is daar 65.2 % wat wel werk (en 4.4% wat nie werk nie)
Dit beteken dat die deel van die bevolking wat aktief bydra tot die vooruitgang van die land (op finansiële gebied) dus 10 570 400 van die 21 188 393 is: 49.88% (Dit is die HELFTE van die bevolking!!!)
(Maar ons vergeet natuurlik nie die mammas wat by die huis bly en bydra tot die maatskaplike welstand van Oz nie!)

Nou vra mens vir jouself die vraag:
Hoeveel dra hierdie 10.6 miljoen mense tot die inkomste van die land by?

Wel, om daardie vraag te beantwoord, gaan kyk ons bietjie na die Australiese regering se begroting vir 2007-2008. Vir 'n land om vooruit te gaan moet sy boeke net so klop soos wat 'n winsgewende maatskappy syne doen.
Australië se totale uitgawes vir 2007-2008 word volgens die begroting beraam op:
$236 000 000 000 (dus 236 biljoen Aussie dollar).

Daarteenoor is die totale INKOMSTE vir dieselfde tyd gelykstaande aan:
$247 000 000 000 (247 biljoen)

Daar is dus 'n WINS/SURPLUS van $11 000 000 000 (11 biljoen). Weet julle hoe vrek baie is dit!


Waar kom al die inkomste vandaan? As julle kyk na die "Pie"-grafiek van die bronne van Aussie inkomste, dan sien mens die volgende:
$119.56 biljoen = individuele inkomstebelasting (werkende bevolking)

$4.110 biljoen = belasting op byvoordele

$8.3 biljoen = Belasting op super/pensioen

$66.56 biljoen = Maatskappy en pertolium huur belasting

$14.73 biljoen = Heffings op petrol

$8.22 biljoen = Ander heffings

$5.96 biljoen = doane belasting

$3.629 biljoen = Ander belastings

$15.691 biljoen = Nie belasting inkomste

Mens kan dus sien dat die individuele belastingbetaler hier $119.56 biljoen (48.4 %) van die totale inkomste bydra.
Dit maak nogal sin: 49.88% van die bevolking dra 48.4% van die totale inkomste by!

Julle kan ook na die grafiek van die uitgawes gaan kyk.

Dit was nou net om 'n idee te kry van die stand van die Aussie ekonomie....

+++++++++++++++++++++++++++++++++++++++

Kom ons kyk nou bietjie op 'n gelyke grondslag na ons geboorteland Suid Afrika:

Ek het bietjie by die website van Statistiek SA gaan kersopsteek om die feite te kry...
Kyk na die volgende:
"The 2007 mid-year population is estimated at approximately 47,9 million of which approximately 24,3 million (51%) is female."

Die beraamde bevolking van Suid Afrika was op 30 June 2007 dus:
47 900 000 mense (meer as 2.26 keer die bevolking van Oz!)

Die gemiddelde lewensverwagting is om en by 50 jaar.

Volgens hierdie statistiek by Stats SA, word daar elke jaar 1 346 119 babas in Suid Afrika gebore. Dit is gelykstaande aan een baba elke 23 sekondes! (In vergelyking met 1 minuut en 56 sekondes vir Oz = 5 keer minder)

Daar word beraam dat 5.3 miljoen (11 % van die bevolking) HIV positief is.

38 079 900 (79.6 %) beskou hulself as : African
4 245 000 (8.9 %) as : "Gekleurd"
1 173 700 (2.5 %) as : Indiër/Asies
4 352 100 (9.1 %) as : Wit

Uit die Junie 2007 bevolkings beramings vir Suid Afrika, kan mens bereken dat die aantal persone van werkende ouderdom tussen 15 en 64 jaar dus die volgende is:
Ouderdom:
15-19 jaar : 4 975 900
20-24 jaar : 4 675 200
25-29 jaar : 4 335 600
30-34 jaar : 3 863 900
35-39 jaar : 2 972 400
40-44 jaar : 2 400 300
45-49 jaar : 2 222 300
50-54 jaar : 1 872 100
55-59 jaar : 1 486 000
60-64 jaar : 1 306 500

Totale aantal persone van werkende ouderdom :
30 110 200 (62.9 % van die totale bevolking)

Dit is 2.2 keer meer as Australië se aantal persone van werkende ouderdom.

Van hierdie 30.1 miljoen val 3.01 miljoen (10 %) in die kategorie van "Wit en van werkende ouderdom" volgens amptelike statistiek by Stats SA (bladsy 4). Dit is dan ook van hierdie kategorie waarvan daar al bykans 1 miljoen in 10 jaar die land verlaat het (aangesien dit eers nader aan 4 miljoen was).

Kom ons kyk nou bietjie hoeveel van hierdie persone dra nou by tot die ekonomies aktiewe werkende bevolking in Suid Afrika...

Volgens die nuutste sleutel aanwysers van Stats SA op werkloosheid was die amptelike werkloosheidsyfer gelykstaande aan:
25.5 % in Maart 2007.

'n Ander bron (Die SA Good news site) bevestig dat die aantal werklose persone in Suid Afrika gedaal het van 26.7 % na 25.5 % en nou gelyk is aan 4.3 miljoen.

Dan is daar ook nog die statistiek van die aantal persone wat NIE EKONOMIES AKTIEF is nie, wat nou staan op 12.8 miljoen (26.7 % van die totale bevolking).
Die werksmag is huidiglik gelyk aan 17.1 miljoen mense.

In 'n land met meer as dubbeld die bevolking van Australië (wat 'n werkende populasie van 10.57 miljoen het), is daar dus net 17.1 miljoen mense wat werk.
Die aantal ekonomies onaktiewe mense in Suid Afrika is 12 800 000 in vergelyking met 713340 vir Australië. (18 Keer meer as vir Oz!!!!) Anders gestel: die Australiese ekonomies onaktiewe mense is net 5.6 % van die wat in Suid Afrika onaktief is...

Jy het reg gelees....

Kom ons kyk nou bietjie na die Suid Afrikaanse begroting. Ek het by die Suid Afrikaanse Tesourie se webtuiste gaan inloer om meer inligting te kry omtrent die samestelling van Suid Afrika se bronne van belastinginkomste. Kyk, ek glo Trevor Manuel het homself nog altyd baie goed van sy taak gekwyt.

As ons na die Suid Afrikaanse Februarie 2007-2008 Begroting kyk, dan sien ons die volgende vir die inkomste vanaf bladsy 2:
R544.6 biljoen = totale inkomste (sowat $90.7 biljoen - net 37 % van Oz se $247 biljoen)
Dit van 'n land met meer as 2.2 keer die bevolking.

Van hierdie totale inkomste is:
R 155.34 biljoen afkomstig van persoonlike inkomstebelasting
R 138.52 biljoen afkomstig van belasting op maatskappye
R 16 biljoen afkomstig van sekondere belasting op maatskappye
R 11 biljoen afkomstig van eiendomsbelasting (wat betaal word saam met jou water en ligte)
R 199.21 biljoen afkomstig van BTW en ander belastings op petrol, drank, ens.

Van die bogenoemde kan ons sê dat die ekonomies aktiewe deel van die bevolking bydra tot:
inkomstebelasting, maatskappyebelasting en eiendomsbelasting, wat 'n totaal van
R 320.86 biljoen uitmaak. Dit is 59 % van die totale inkomste van die land.

Kyk, ek is nou nie 'n "ekspert" met hierdie tipe van berekenings nie, maar dit lyk vir my heel duidelik dat:
As daar 'n getal van 12.8 miljoen mense ekonomies onaktief is, uit 'n totaal van 30.11 miljoen mense van werkende ouderdom, beteken dit dat die getal mense van werkende ouderdom wat wel bydra sowat 17.3 miljoen mense moet wees.

Dit beteken dat sowat 17.3 miljoen mense hulle deel doen om die R 320.86 biljoen vir die land in te bring.
36.1 % van die land se bevolking bring 59 % van die land se inkomste in
(Vergelyk dit met
49.88% van die Oz bevolking wat 48.4% van die totale inkomste bydra)

Die prentjie lyk egter nog donkerder as jy in ag neem dat net die werkende populasie wat meer as R18000 kry deel uitmaak van inkomstebelasting. In 'n verslag van die Universiteit van Kaapstad in Februarie 2002 (in Afdeling 3), blyk dit dat 96% van die wat hulself as "Africans" klassifiseer in 1995 minder as R6001 per maand (R72012 per jaar) verdien het, en 30% minder as R1000 per maand. In 1999 het 49% van die "Africans" minder as R1000 verdien (R12000) per jaar. Dit beteken dat 39% (49% van die 79.6% van die totaal van die werkende bevolking "Africans " niks bydra tot inkomstebelasting nie. Vir "Gekleurdes" is daar 40% wat onder R1000 per maand verdien (40 % van 8.9%) , vir Indiërs (17% van 2.5%) en vir Wit (7% van 9.1%). As ons nou die getalle bymekaar tel kry ons 43.63 % wat nie inkomstebelasting betaal nie.


Dus, as mens weer na die bogenoemde persentasie van 36.1% kyk wat werk, moet mens dus besef dat 43.63% hiervan kwytgeskeld is van inkomstebelasting en die persentasie van die werkende Suid Afrikaanse bevolking wat wel bydra tot inkomstebelasting dus nou daal tot 20.35%. (In vergelyking met 50% vir Australië.) 20% van die bevolking dra dus hulself asook die oorblywende 80% wat nie werk nie.

Mens kan ook die land se belastinginkomste sien as 'n persentasie van die GDP (Bruto Binnelandse Produk...met ander woorde die totale produksie van die land se mense).
Vir Suid Afrika is die belasting inkomste sowat 28.1 % van die totale GDP.
Vir Australië is dit 22.5 % van die totale GDP.

Dit beteken, nie net moet minder mense van Suid Afrika die belastinglas dra nie, maar hulle word ook meer belas in vergelyking met dit wat hulle produseer.

Julle kan 'n soortgelyke "Pie" grafiek soos vir Oz hier sien.
Julle kan op dieselfde bladsy sien dat daar ook 'n 0,1 % tekort in 2008/09 in die begroting is, in vergelyking met die begrotings surplus van 4.66 % (11 biljoen/236 biljoen) vir Australië.

As mens na die Ekonomiese Profiel van Suid Afrika kyk, is die GDP per kop in Suid Afrika sowat R24 500, in vergelyking met sowat $51768 per persoon (R 310608) per jaar in Australië (12.6 keer meer as in Suid Afrika)....beteken hierdie rou feite dalk dat die meeste mense in Australië meer hardwerkend is? 'n Groter persentasie werk (10 570 400 van 'n totaal van 21 188 393 = 50 %).





Thursday, January 17, 2008

Die harde leerskool van immigrasie

Ons het vandag 'n tjek van $4500 in die pos gekry...

Dit is gister deur die Departement van Onderwys aan my gestuur. Hulle het ons dus vergoed vir al die oorblywende maande vandat ons die PR (Permanente VISA) gekry het tot Juniemaand, wat ons reeds skoolgeld betaal het. Ons moes laasjaar, voordat ons die kinders in die publieke skool kon inskryf, eers die $9000 neersit. Dit was omdat ons toe nog op 'n tydelike 457 VISA hier was en slegs "permanent residents" hier in New South Wales, die voorregte van gratis publieke skole geniet.

Ons het so om en by die 13de Desember 2007, nadat ons teruggekeer het van New Zealand, die aansoek na die Onderwysdepartement ingestuur om die oorblywende geld terug te kry. Ons moes 'n brief skryf en afskrifte van die kinders se paspoorte met hule 136 PR VISA in vir hulle aanstuur.

Dit beteken dat ons nou ten minste darem die kostes van ons "genoodsaakte" New Zealand "vakansie" kan verhaal, maar nie regtig die $9000 terug het nie.

Ons het mos eers die 136 PR (nou 175) aansoek ingedien, toe op 'n tydelike 457 VISA oorgekom. Dit het beteken dat ons die land moes verlaat en met die PR VISA terugkeer. Ons was dus "verplig" om 'n oorsese reis te maak. A.g.v die tydelike VISA moes ons dus ook privaat medies en skoolgelde betaal het.

Vriende van ons wat op 'n 457 VISA oorgekom het, het , nadat hy alreeds die ACS "skills assessment" gedoen het, van hierdie kant af aansoek gedoen vir 'n "onshore" PR 885. Hulle het toe ook die VISA na net EEN WEEK gekry en hulle het nie nodig gehad om 'n oorsese reis te onderneem nie! Die VISA kostes was egter dieselfde prys.

As ek nou terugkyk, lyk dit dus vir my beter om op 'n 457 oor te kom (as jy 'n "sponsor" kan kry), en dan van hier af aansoek te doen. Maar jy moet alreeds jou "Skills assessment" hê, anders gaan daar van jou vereis word om eers 2 jaar hier te werk.

In retrospeksie kon ons dus baie geld gespaar het...maar dit leer mens mos eers na die tyd!

Iemand wat na ander se raad luister...leer uit hulle foute, maar iemand wat nie wil luister na raad nie...moet uit sy eie foute leer.

(In ons geval het ons egter al klaar die PR ge-"lodge" toe ek uitvind dat ek 'n sponsor kon kry)

My raad aan julle is dus:

  • Doen eerste aansoek vir die IELTS toets (dit vat die langste)
  • Doen dan aansoek vir jou "Skills assessment" (ACS ens)
  • Probeer dan 'n sponsor kry vir 457
  • Kom oor op 'n 457, sit jou kinders tydelik in 'n goedkoper private skool, of betaal maar die $9000 vir die publieke skole in NSW en eis so gou as moontlik terug na jy die PR het.
  • Doen dan van hier af aansoek vir 'n 121/856 (Hierdie is die employer nomination scheme visa...Jammer maar ek het tevore die kat aan die stert beet gehad...dit is nie die 885 VISA nie.) Die 856 VISA kos dieselfde as die 175.
  • As jy voorheen hier geswot het kan jy vir die 885 (Skilled) VISA aansoek doen, wat vir mense is wat voorheen hier geswot het en aan die volgende vereistes voldoen.
As jy egter nie 'n sponsor kry nie...dan sal jy maar die lang stofpad van die 175 PR moet loop.

Wednesday, January 16, 2008

Ons besoek die Australiese Reptielpark naby Gosford

Ons is Sondag saam met ons vriende die Theronne van Pretoria na die Aussie Reptielpark. Ek het vir julle ook 'n paar fotos geneem van die wêreld se giftigste spinnekoppe, giftigste slange, sowel as 'n soutwater krokodil en 'n paar kangaroos.

Hier is 'n foto van 'n "Tiger snake", die oorsaak van meeste sterftes onder mense as gevolg van slangbyte...


Dan is daar natuurlik ook die TAIPAN, een van die drie slange met die giftigste gif van ALLE soorte. Hier is 'n artikel oor die hoeveelhede slanggif van verskillende slange wat nodig is om proefrotte se dood te veroorsaak... Jy kan ook meer van die Taipan lees hier en hier. 456 keer minder van sy gif is nodig as die ratelslang...en 72 keer minder is nodig vir dood as die Konings Cobra.


Hier is 'n paar fotos van 'n 5 meter lang soutwater krokodil...toe die bewaarder hom gevoer het, het dit gelink soos 'n deur wat toegeklap word.

Dan is daar natuulik ook spinnekoppe. Hier wys iemand hoe 'n Suid Amerikaanse tarantula spinnekop wyfie lyk...


Ons het lekker piekniek gehou en die kinders het met die kangaroos gespeel.

Friday, January 11, 2008

Wat drink mens hier as jy die dag na 'n Windhoek Lite verlang

Kyk, ek is nou nie juis 'n groot bier drinker nie. Ek koop vir my so een keer in 'n paar maande 'n pak van 6 biere. Dan drink ek my oor 'n mik....en sit die oorblywende 5 biere terug in die yskas vir volgende keer! (grappie)

Maar in Suid Afrika het ek oor die jare agtergekom dat ek die meeste van Windhoek Lite en Stirling Lite Lager se smake gehou het. As mens dan nou na 'n warm dag iets ysig kouds wou drink, dan was dit die keuse. Dit het min alkohol, maar tog 'n lekker "malt" smaak.

Toe ons hier in Oz kom....nou ja, toe is al wat ek in die winkel herken: Old Brown Sjerrie

Ek het gemeen, die Duitsers maak mos lekker bier, so ek moet soek na iets wat Duits klink...Na so 'n bietjie "hit-and-run" kom ek toe af op Hahn Premium Light. Dit het net 2.7% alkohol en smaak nogal so bietjie na Windhoek Lite. Dit is 'n egte Australiese bier en word gebrou en gebottel in Australië.

So...daar het ek julle nou baie tyd en geld gespaar vir wanneer julle uiteindelik hier aanland.

Alternatiewelik kan julle natuurlik solank by Pick & Pay in Suid Afrika vir julle van daai Bundaberg Ginger Beer koop en solank begin droom vir as julle dit hier in Oz gaan drink. Dit is baaaaie lekkerder as Stoney Ginger beer - vir mense soos ek wat van die fyner drankies in die lewe hou.

Wednesday, January 09, 2008

Vals alarm !

Vanoggend toe dit nog diep in die nagtelike ure is en ek êrens in droomland, salig, rustig, ongestoord deur enigiets...word ons begroet deur 'n skril onheilspellende geloei van 'n alarm wat ek nie eens geweet het ek gehad het nie!!! Dadelik spuit my byniere elke greintjie bloed in my liggaam halfpad vol met adrenalien hormoon en dit voel of ek nou net wakker geword het in 'n krisistoneel in een of ander hollywood fliek. Voor my geestesoë en deur my gedagtes flits daar skielik herinneringe aan die vrees wat ons in Suid Afrika ervaar het so 2 uur in die oggende as ons weer nagtelike besoekers oor ons 7 voet mure gekry het en ons infrarooi sensors se radio ontvanger ons met 'n harde ge-biep wakker gemaak het.

Nee man, dit is mos onmoontlik...ek het mos nie sulke alarms hier nie! Dis alles soos in die liedjie "Bootjie na kammaland" agtergelaat "op die land". Deur die mis strompel ek die gang af om te sien wat aan die gang is, want teen hierdie tyd begin dit tot my deurdring dat dit moontlik die rookalarms teen die dak kan wees (wat seker verpligtend hier in huise is), maar wat mens later nie eens meer sien nie omdat jy so gewoond raak daaraan... Maar nêrens is daar vlamme of rook nie!

Na verdere ondersoek, teen hierdie tyd baie ongekrap, en met 'n ietwat van 'n geswets, kom ek toe tot die slotsom dat dit die Rookalarm se battery is wat seker pap begin word en nou laat weet dit my in die middel van die nag dat ek dit moet vervang! Na omtrent 10 minute se gesukkel om die swerkater van 'n alarm los en oop te kry, kry ek die ding uiteindelik stil...

Het een van julle al probeer slaap met 50% adrenalien in jou bloed. Jou hart wil mos uit jou bors klim soos 'n motor enjin waarvan die vonkprop kabels in die verkeerde volgorde vasgesit is...

Gelukkig het ek 'n backup-wekker, want vanoggend het ek die eerste een sonder dat ek besef het, ge-deaktiveer en verder geslaap....en moes toe teen 'n snot spoed klaarmaak om my bus gevang te kry.

Tuesday, January 08, 2008

'n Paar van die nagtelike besoekers rondom ons huis

Elke aand na sowat 9 uur, as die son onder is, spring daar 'n spinnekop met 'n lyf van so 12mm fluks weg en spin vir die vale 'n web wat omtrent 70cm in deursnee is. Elke oggend maak hy hom uit die voete, pak sy web op en sien jy niks bewyse dat daar die vorige aand 'n enorme 70cm spinnerak reg voor ons agterdeur was nie. Gelukkig het ek dit nie buite gewaag nie...anders het ek 'n 70cm DOILIE oor my gesig gehad. Vanoggend was hy seker haastig, want toe ek vanoggend by die agterdeur uitgaan hang die enorme web voor ons skuifdeur....

In die aande hou ons hom (of haar) dop. Jong, ek sê vir jou hierdie spinnekop werk so vlytig, jy sien net pote bewees, dat dit omtrent net soos 'n dowe tolk op die TV se hande lyk as hy spin. Jy sien net vingers...oftewel harige pote.

Ek het hom toe bietjie, onder dekking van die donker, met die kamera se flits afgeneem...en hier is die resultaat:

Volgens wat ek kan aflei is hierdie die "Common Garden Orb Spider" wat baie algemeen rondom Sydney voorkom. Omdat hierdie spinnekom sulke vlukse webbe spin, is hierdie spinnekop gekies deur 'n landswye projek waar die effek van lae of geen swaartekrag op spinnekoppe se spinnerakke ondersoek word in die ruimte. Kyk gerus na die ander web spinnende spinnekoppe op hierdie bladsy.

Ek het toe sommer nog 'n ander paar nagtelike besoekers afgeneem...
Die volgende een kruip so in die geute se hoeke weg...


Die volgende spinnekop is die St. Andrew's Cross spinnekop omdat dit die gewoonte het om sulke kruissteek patrone soos wat 'n naaimasjien maak in sy web in te werk. Sommige van die patrone kan dan die web amper soos 'n doilie laat lyk...

Wat dit kos om die olie in my Honda Civic VTi 1.8 te vervang



Dit is nou sowat 7 maande wat ons in ons silwer 1.8L Honda Civic VTi Sedan rondrits en ons het nou al 10859 km afgelê met die kalant. In al my jare van motorbestuur, het ek nog nooit in 'n kar gehad met die flink hantering en SEEPGLADDE ratwisseling wat die 2007 Honda Civic Sedan (handrat) nie. Ek het voorheen al 2 Liter motors gehad, maar nie een van hulle kom by die versnelling en louter rygenot van die 1.8 Liter Honda Civic nie, want dit het danksy "variable valve technology" omtrent dieselfde krag as 'n 2L motor. Nou die dag wat ons Barrington Tops toe gery het het ek oor die 600 kilometer 'n uitstaande 16.37 km/liter petrolverbruik gekry. Hier in die stad kry ek so 12.54 km/liter. Hierdie karretjie het nogal woema hoor. Gelukkig met die Spoedbeheer (Cruise Control) hoef ek ook nooit bekommerd te wees dat ek die spoedbeperkings gaan oortree nie. Mens kry dit net op die regte spoed en druk die knoppie op die stuurwiel...wat 'n plesier van 'n kar!

Ek het die motor vandag ook vir die 10000km diens gehad by Honda Parramatta en hier is die skade...NET om die olie te vervang:

Replaced engine oil
Inspected air cleaner element
Inspected all drive belts
Rotated tyres
Inspected front and rear brakes
Inspected parking brake
Checked all fluid levels and condition of fluid
Carried out roadtest & checked all systems and controls
Total Labour : $105.01

Parts:
$2.00 Washer, Drain, 14M
$34.79 Honda HP Engine Oil
$3.75 Environmental disposal
$10.00 Shop Supplies
$2.39 Water bottle fluid

Total: $50.93

Total GST: $15.79

Total on Invoice: $173.75

Let bietjie op na die "roadtest"...ek moet hulle eintlik charge vir die kans om my silwer blits te kan bestuur...verbeel jou.
En ek sien hulle charge my ook vir die "Gebottelde water" wat my kar gekry het.

Wel, wou julle maar net laat weet wat dit hier kos vir 'n BAIE BASIESE DIENS waar net die olie vervang word.

Sunday, January 06, 2008

Al ooit gewonder hoe om uie te sny sonder dat jou oë traan?

'n Boertjie maak 'n plan...hier is vir julle 'n goeie idee as jy van Scuba duik EN kosmaak hou:
(Ek waarborg jou uie sal van nou af nie jou oë laat traan nie!!)

Die reën hou lyk vir my net nooit op nie

Die aanhoudende reën (en verlange) hier in Australië herinner my so baie aan die liedjie wat in die 1960's deur Hal David and Burt Bacharach geskryf is...

Luister na die liedjie deur "play" te kliek hieronder...


Raindrops keep falling on my head
And just like the guy whose feet are too big for his bed
Nothin' seems to fit
Those raindrops are falling on my head, they keep falling

So I just did me some talkin' to the sun
And I said I didn't like the way he' got things done
Sleepin' on the job
Those raindrops are falling on my, head they keep falling

But there's one thing I know
The blues he sends to meet me won't defeat me
It won't be long till happiness steps up to greet me


Raindrops keep falling on my head
But that doesn't mean my eyes will soon be turnin' red
Crying's not for me
Cause I'm never gonna stop the rain by complainin'
Because I'm free
Nothing's worrying me.



...dit het per slot van rekening lanklaas so baie hier in Oz gereën soos dit die afgelope jaar gereën het. Daar is selfs 'n nasionale vloed gevaar website by die Departement van Meteorologie.

Certainly across southern and eastern Australia we had one of the warmest years on record.
“The projections are for intense storms, flooding, droughts and bushfires and we had all of those in 2007.”


Dit het dwarsdeur die jaar hier gereën...maar dit lyk vir my of Oos Australië natter word en Wes Australië droër...
Ek het so 'n paar koerantberigte nader gesleep oor die afgelope jaar se reën:


Queensland:
6 Januarie 2008
THE flood-ravaged Far North Coast was declared a natural disaster zone yesterday as water threatened homes, forced evacuations and ruined holidays for thousands of tourists.
Hundreds of homes were evacuated and several families rescued on Friday night and early yesterday at Kyogle, Murwillumbah and Chinderah after more than 300 millimetres of rain fell in just three hours.
Authorities said Kyogle, with a population of 3000, experienced its second-highest flood peak on record at 18.1 metres.

Darwin
4 Januarie 2008
Cyclone Helen heads for Darwin
A cyclone warning is current for coastal and island communities from Kalumburu in Western Australia to Cape Hotham in the Northern Territory, including Darwin.
There is going to be a lot of rainfall associated with it crossing the coast and there is a very good chance that there will be flooding in the low-lying areas and streams rising
CYCLONE shelters in Darwin opened their doors last night in expectation of fierce winds and violent rain as tropical cyclone Helen edged closer to the city.
Residents were told to expect winds of up to 130km/h.

5 Januarie 2008
Rising floods are worst for 20 years
Queenslanders on evacuation alert
"The Bureau of Meteorology (BoM) issued major flood warnings for the Logan and Albert rivers, south of Brisbane, with rising waters expected to peak at Maclean Bridge tomorrow morning"

4 Januarie 2008
FLASH flooding has closed roads and damaged homes in southeast Queensland, while big seas have gouged beaches as wild weather continues along the coast.
The Bureau of Meteorology is expecting Cyclone Helen to move into the western Gulf of Carpentaria tomorrow and over far northern Queensland on Sunday, bringing rain and strong winds.
In the Sunshine Coast hinterland, the road to Kilcoy was cut by floodwaters for several hours today, stranding dozens of motorists, before being reopened late this afternoon.
Electricity distributor Energex said around 6000 homes were blacked out in Brisbane, the Gold and Sunshine Coasts earlier today. Most had power restored by this afternoon.


NSW
6 Januarie 2008
Kyogle was hit the hardest when the Richmond River peaked at a major flood level of 18.1m - the second highest ever recorded for the area.

5 Januarie 2008
PARTS of the New South Wales north coast have been declared natural disaster areas after heavy rain and severe flooding.
The floods have forced the evacuation of thousands of residents from the northern NSW town of Kyogle as floodwaters peaked at the second highest level on record.
Some parts of northern NSW received 300mm of rain in three hours overnight
Heavy rains continue to batter the NSW north coast, with beaches from the Queensland border to Sydney facing closure today.


29 Desember 2007
Flood enough for hope
"We just woke up with this on Sunday. We would have had about 15,000 to 16,000 acres (6000-6400ha) underwater."

24 Desember 2007
..with the rain boosting the farming sector.
"It will have a very positive benefit in terms of pasture growth and cropping down the track because of the high level of moisture in those areas," he said.

22 Desember 2007
A MAN has been killed by a falling tree and the Indian Pacific train has been halted in NSW as wild weather continues to lash the eastern seaboard.
Heavy rain and strong winds have swept across five states as the area battens down for another burst of wild weather over the weekend.
Broken Hill is among the hardest hit areas and parts of Victoria and South Australia have been affected by flash flooding.
Weatherzone.com.au meteorologist Matt Pearce said another major event is unfolding as storms and widespread rain develop across South Australia.
In northwestern NSW, heavy rain dumped a record 171mm at Coonamble since midnight and 141mm at nearby Coonabarabran.
Many local roads leading to Coonabarabran have been cut by flooding but the town itself has sustained minor damage, a State Emergency Service spokesman says.
Across much of Victoria today, gale-force winds replaced the humidity and flash flooding of yesterday.
Scores of trees were uprooted and hurled onto cars, across roads and into buildings
"We have been getting a three to four calls a minute (for assistance), mostly in Melbourne with Ballarat and Bendigo the main rural centres affected," Mr Wiebusch said.

SEVERE storms are expected to lash southeastern Australia in the next 24 hours, bringing heavy rain, flooding and destructive winds gusting up to 100km/h.
The Bureau of Meteorology has issued several storm warnings across Victoria
Melbourne was lashed with torrential rain
The Queensland town of St George, battered by torrential rain on Thursday night, is in the path of a second menacing storm system expected to strike today.
Thunderstorms hit the far southwest and west of NSW late yesterday, bringing gusts of up to 120km/h at Broken Hill.

21 Desember
Melbourne
MELBOURNE is bracing for another bout of wild weather later today with the weather bureau saying storms and a band of heavy rain are heading to the city from the northwest of the state.
The city was lashed with torrential rain yesterday afternoon, public transport was thrown into chaos and traffic negotiated roads awash with water.

7 Desember 2007
THE drought-breaking La Nina weather pattern has finally kicked in, bringing flooding rains along the eastern coast and filling the tributaries that feed into the dying Murray-Darling river system

3 Desember 2007
PARTS of Melbourne's eastern suburbs have been hit by flash floods, with more storms predicted this afternoon.

28 Oktober 2007
AN area of the New South Wales north coast damaged by storms has been declared a natural disaster zone.
Large hailstones and destructive winds battered the towns of Dunoon, Lismore, Grafton, Byron Bay and Mullumbimby on Friday.

26 Augustus 2007
EMERGENCY workers were cleaning up parts of northeastern Australia today after widespread flooding caused by what meteorologists said was a freak, once-in-a-century weather event.
Dozens of people were evacuated from homes and cars and many roads closed because of rising flood waters and fallen trees after the Sunshine Coast was lashed with days of torrential rain
"Major flooding has affected residents in the Noosa River, Lake Cooroibah and Lake Cootharaba area and even though we are confident the worst is now past us, it may take several days for waters to return to normal levels,'' he said.
The dumping of more than 1000mm of rain on the Sunshine Coast has been attributed to a once-in-a-century weather event.
Bureau of Meteorology senior forecaster Jeff Callaghan said the low pressure system over southeast Queensland that caused the downpour was a freak event not seen at this time of year since the 1800s.

30 Junie 2007
Victoria
THE perfect storm of raging rivers flowing downstream from Victoria's highlands colliding with a king tide at the state's lakes district is threatening homes and forcing hundreds of residents to retreat to higher ground.

29 Junie 2007
Victoria
HUNDREDS of Victorians were last night facing the heartbreaking decision of whether to abandon their homes and flee as rising floodwaters swept through the state's southeast.
Rainfall of up to 300mm was recorded in Victoria's high country in the 24 hours to 9am yesterday, while up to 60mm was recorded in lower-lying areas of Gippsland. Floodwaters poured down from the high country yesterday and the state's Bureau of Meteorology issued severe weather warnings.

EMERGENCY preparations are underway tonight to evacuate hundreds of residents as a king tide threatened to further swamp a flooded town on Victoria's south-east coast.
Mr Gray said that while the 1970 floods were always talked about as the “biggest ever” but only 97,000 megalitres a day was released by opening the floodgates to the Glenmaggie Weir upstream. “This was 140,000 (megalitres) a day. That's a tremendous amount of water.”

Victoria
27 Junie 2007
TORRENTIAL rain pelting Gippsland has flooded roads and is flowing towards houses.
The wildest weather in a decade has shut the Princes Highway between Bairnsdale and Lakes Entrance. The highway is also closed at Nicholson.
Rising waters are reportedly lapping at several houses in Bairnsdale.
Heavy rain is also bolstering Victoria's biggest water catchment, the Thomson Dam.
Rain lashed Gippsland overnight. A second burst of rainfall and damaging wind gusts is forecast today.
Several rivers including the Mitchell, Snowy, Genoa and Cann are being monitored.
Gabo Island got 90mm of rain in the 24 hours to 9am, Mallacoota 87mm, Orbost 65mm and Sale 27mm.
Melbourne is forecast to receive up to 20mm of rain today.

16 Junie 2007
Hunter Valley North of Sydney
GALE-FORCE winds and flooding are again forecast for the NSW Hunter Valley and central coast, a week after wild storms swept through the region.
Conditions were forecast to deteriorate overnight, with severe weather expected in Sydney and the storm-damaged areas to the north, said Rob Webb, manager of weather services at the NSW Bureau of Meteorology.
Many farms in the Hunter area, after getting more than 300mm of rain in two days, were now unworkable as they were covered with sand and silt.

13 Junie 2007
Sydney has one of the highest per capita stored waters in the world
"Brisbane can tend to rely on its summer rains, Melbourne on its winter rains. We're caught in the middle. Our rains come whenever they feel like it."

11 Junie 2007
Water treatment plants throughout Sydney, the Central Coast and the Hunter Valley had been unable to cope with “unprecedented” rainfall on Friday and Saturday

9 Junie 2007
TWO people are dead and five missing in NSW flood waters caused by wild weather that has forced Premier Morris Iemma to declare a natural disaster in the state's Hunter and Central Coast regions.
State Emergency Service (SES) has received thousands of calls for assistance so far from people who have suffered damage across the Hunter, Mid North Coast, Central Coast and Sydney.
At least 200,000 people were without power overnight in areas from the Hunter Valley to Sydney.

12 Februarie 2007
WHILE the east coast was yesterday buffetted by rain, leading to flash flooding and the collapse of a shopping centre roof in Sydney

Thursday, January 03, 2008

Die winkel stormloop is oor en die nuwe jaar is hier

Hier by my werk is daar hierdie week net so 'n paar dapper krygers wat na die geveg teruggekeer het nou nadat die Desember vankansiedae ten einde geloop het.

Hulle noem die kerstyd hier die "Silly Season", en ek kan nou goed sien waarom... Mense is amper soos voetsoldate van die begin van Desember deur die magdom reklame op TV en in die koerante "opgeroep" om tog net nie te vergeet om "betyds" hulle kersinkopies te doen nie. Dit sou tog 'n verskriklike "ramp" wees as klein Jannie en Sannie (of is dit nou Joey en Jessica) sou uitmis op die nuutste XBox of iPod uit Amerika. In hierdie opsig verskil ons niks van die Aussie mense nie, want die kooppartytjie is hier net so groot as in Suid-Afrika...met die verskil dat die partytjie hier nie "gespoil" word deur skelms wat jou gaan "hijack" of doodskiet om hulle hande op al jou nuwe kersfees speelgoed te kry nie. Net as mens dink dat jy bietjie verligting gaan kry van die magdom reklame wat jou tot en met Kersfees gebombardeer het, dan spring hulle hier NOG meer geesdriftig weg met hernieude ywer net die volgende dag...skielik is alles tussen 30 en 50 % goedkoper! Dan is dit die winkels se "twice yearly stock clearance"! En dan adverteer hulle eers...want sien, nou moet hulle die KOOP-golf ry om van al daai oortollige voorraad ontslae te raak. Klere, parfuum, meubels, grootskerm plasma TVs en natuurlik al die ou 2007 model karre MOET verkoop word! Hulle moet die "Ysters smee terwyl dit nog warm is". Of is dit nou die "boompies buig terwyl dit nog jonk is"? Want sien....selfs die kinders is hul gewillige teikens. Net soos in Suid Afrika kom kinders se etes byna ALTYD saam met speelgoed - so asof die kinders hier net eenvoudig nie instaat is om te eet as hulle nie kan speel nie. Vasgenael sit hulle voor die rekenaars, want die Apples en "Notebooks" wat hulle vir kersfees gekry het, verwys nie na vrugte en skryfbehoeftes nie.

Ek bly steeds verstom oor hoe duur kos en klere hier in Australië is. Selfs al skakel mens dit nie om na Rande nie, maak basiese goedere steeds 'n baie groter deel uit van jou salaris as wat mens gewoond was. Dit is glad nie ongewoon om meer as $60 te betaal vir 'n handjievol kruideniersware soos melk, brood en 'n paar noodsaaklikhede nie. Die lewenskoste hier in Sydney is nogal duur, maar tog kom mens goed uit met jou geld. Iets wat ek nou redelik seker is van, is die feit dat vars groente en vrugte se kwaliteit baie goed is hier. Dis soos om by al die winkels "Woolies" kwaliteit te kan koop - maar ek moet sê: mens betaal vir daardie kwaliteit. 'n Mens se waardestelsel van "wat is duur" en "wat is goedkoop" is heeltemal ge-konfoes as jy hier is, en jy gee later op om te probeer bepaal of iets duur is of nie...en jy koop net wat jy sover leer ken het. Dit raak net TE VEEL vir jou brein om elke bedrag in die regte vakkie te kan sorteer!

Ek het wel al 'n paar keer onder die versoeking gekom (as gevolg van die konstante indoktrinasie van advertensies) om nog 'n ou karretjie aan te skaf, maar het myself gelukkig nog bedwing en ry nog getrou bus en trein elke dag. Stresloos, padwoede-vry en sonder worries. Dis nogal verbasend hoeveel verskil die afwesigheid van skoolkinders wat moet skooltoe aan die verkeer op die paaie maak. Ek kan nou maklik iets voor 8 in die oggende die bus kry by my huis en gemaklik betyds by die werk kom, waar dit in skooltyd 40 minute vroeër moet wees.

Die sterftes op die land se paaie hier in Oz is glad nie vergelykbaar met die padsterftes in Suid Afrika nie. "Holiday road death toll hits 27" was die skokkende artikel op 28 Desember hier! Elke mens wat teen 'n paal of in 'n restaurant se venster vasry maak hier nuus, elke "mugging" wat op video vasgelê is word op hoofnuus vertoon en elke moord word landswyd gebeeldsend!
As daar agtergekom word dat kos by 'n restaurant 'n klomp mense voedselvergiftiging gegee het, word die plek openbaar gemaak. As hulle agterkom "prawns" uit China bevat te veel hormone, dan word die hele bedryf se invoere van Chinese seekos sommer summier gestop. Ek dink wat mens hier veilig laat voel is nie dat hier nie misdaad is nie, maar die feit dat die skelms hier "actually" gevang word. In een berig lees dit : "The local community should feel a lot safer knowing the police are working tirelessly out on the street and behind the scenes to lock up crooks".

Ek dink nie mens sal sommer weer aanpas in 'n land waar jy nie elke aand in vrede kan slaap nie. Ek slaap vandat ons hier aangeland het soos 'n baba. Ons sekerheidsprosedures het tot so 'n mate uitgerafel dat ons ten minste een keer per week nou by die huis kom om met 'n skok agter te kom dat ons jou wragtie waar vergeet het om ons garage deur toe te maak terwyl die deur in ons huis in nie eens gesluit is nie. Ek glo nie ek weet eens of al die vensters kan sluit nie.

Dit verbaas my soms as ek sien hoe baie die Aussies soos ons is. Alhoewel dit aanpassing pynlik is, gebeur dit wel, dog stadig. Waar ons eers soos vreemdelinge gevoel het toe ons in die Castle Towers winkelsentrum rondegeloop het, voel dit vir my nou presies soos ek altyd gevoel het toe ek by die Centurion Sentrum of die Mall @Reds ingeloer het vir 'n wegneem-ete of 'n fliek op 'n Dinsdag aand. Daardie vreemdeling-angs is weg en mens voel nou soos een van die "natives". Om die waarheid te sê: dit voel vir my soms asof ek veel meer in gemeen het met die oorwegend Europese mense hier as wat ek ooit in gemeen gehad het met die kinders van Afrika. Daar was ek 'n "indringer" en het soos 'n seer oog uitgestaan...hier "blend" ons sommer maklik in....totdat ek my mond oopmaak om iets te sê natuurlik.

Die afgelope week is die opstande in Kenia weer in die nuus, of andersins gestel: dit haal ten minste die nuus hier. Want sien, al nuus wat ons hier in die media oor Afrika of Suid Afrika hoor is as daar iets grootliks skokkend gebeur wat Aussie burgers in Afrika se veiligheid bedreig, of as een of ander land in Afrika van regeerder wissel, of as die sekerheid situasie in Pakistan die Aussie kriekettoer bedreig. Van die misdaad toestand in Suid Afrika weet hierdie mense niks. Niks. Niks. Hulle is salig onbewus daarvan - dalk is hulle tog bietjie stomgeslaan oor die tename in immigrante van daar af, maar dit is hoofsaaklik die storie. Een ding wat ek net agtergekom het....en dit is die feit dat daar waarskynlik net so min beriggewing hier sou wees oor Suid Afrika indien daar 'n "Rwanda" situasie sou uitbreek as wat daar oor die res van Afrika berig word. Dit haal net 'n "terloopse" beriggie êrens op die bladsy...die mense is dan vir so 'n paar oomblikke geskok en dit is maar dit. Daar sal nie hulp van hierdie kant af kom nie...hulle sal salig onbewus wees van wat regtig aangaan. Wat hulle betref is dit maar net nog 'n manewale van die stout kind Afrika.

Kontak my gerus...

Kontak my as julle wil deur 'n "Comment" by enige post te maak met julle email adres daarin. Ek kry alle "comments" as email voor dit gepubliseer word en sal nie enige telefoonnommers of email adresse op die blog laat kom nie maar dit slegs gebruik om julle te kontak. Groete.

Die mees populêre inskrywings