Sunday, October 14, 2007

Toe die familie hier aankom

Saterdagmiddag 6 Oktober ruk ons toe met tipies Suid Afrikaanse gasvryheid op na die Sydney Lughawe se aankomssaal. Want sien...'n stukkie van ons hart kom vir ons 3 weke hier in Sydney kuier. Dis nou my skoonsus en skoonma. Na 4 maande het ons hulle nogal baie gemis. Julle weet mos wat ek geskryf het oor die "suurstof" wat mens so waardeer as jy weet jy min daarvan het.

Wel...so het ons toe mos, uitgevat in Aussie klere en hoede die twee gaan inwag by die aankomssaal van die Sydney Internasionale lughawe. Omdat dit so 'n "spesiale" gebeurtenis is, het ons dit goedgedink om so bietjie uit te staan uit die "skare" sodat hulle ons maklik kan eien.
Ek wou eers vir my so 'n groot bord maak om om my nek te hang soos wat die mense op die lughawe maak as hulle iemand moet kom oplaai...'n bord wat lui: "SKOONMA".

Wel...hier is 'n foto:

Laat net een $@#!& lag.
Die hoed is soos julle kan sien vol kurkproppe aan toutjies om die vlieë weg te hou...sodat mens nie heeltyd die Aussie saluut moet uitvoer nie.

Natuulik het ons mense met hoedens van die Suid Afrikaanse vlag ons kom begroet...ek is seker die ander mense op die lughawe het dadelik geweet hierdie 2 groepe mense kom sekerlik uit dieselfde familie...

video
Die ontmoeting was soet.

Hier is my vrou, my skoonsus en moeks.

Waardeer julle familie...

Natuurlik het Swerwer Junior al te lekker gepronk met die hoed wat sy ouma saamgebring het.

Ons is toe oor die Sydney Hawebrug terug huistoe om hulle aan ons lewe hier in Aussie land bekend te begin stel. Aan die linkerkant kan julle 'n trein saam met die motors oor die brug sien ry.

Posted by Picasa

No comments:

Post a Comment

Los vir my n boodskap...komaan wees n sport !
Ek lees alle kommentaar eers voor ek dit publiseer.

Note: Only a member of this blog may post a comment.

Kontak my gerus...

Kontak my as julle wil deur 'n "Comment" by enige post te maak met julle email adres daarin. Ek kry alle "comments" as email voor dit gepubliseer word en sal nie enige telefoonnommers of email adresse op die blog laat kom nie maar dit slegs gebruik om julle te kontak. Groete.

Die mees populêre inskrywings